Մասնագետները տապից պաշտպանվելու մի քանի միջոց են առաջարկում։

Նշվում է, որ այս դեպքում առանձնահատուկ ուշադրություն պետք է դարձնել երեխաներին։ Չպետք է անտեսել երեխաների գերտաքացման նախանշանները՝ մաշկի կարմրում, մարմնի բարձր ջերմաստիճան, առանց պատճառի քմահաճույքներ, սրտխառնուք, արագ շնչառություն, ուշագնացություն։

Բժիշկներն ասում են, որ երեխայի մոտ առաջին ախտանշանների դեպքում պետք է հանել նրա հագուստը, նրան հորիզոնական դիրքով պառկեցնել, մարմինը թաց կոտորով շփել և յուրաքանչյուր 5-10 րոպեն մեկ անգամ ջուր տալ։

Մեծահասակների մոտ ևս կարող են ջերմային և արևային հարվածի ախտանշաններ հայտնվել։ Դա նախ արտահայտվում է թույլությամբ, ծարավով, գլխացավով, սրտխառնուքով։ Այս դեպքում անհրաժեշտ է բժիշկ կանչել կամ տուժածի գլխին սառը թրջոց դնել և նրան հնարավորինս շատ ջուր տալ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել