Եթե մարդու կյանքում առկա են կարճատեսություն, հեռատեսություն, աստիգմատիզմ հասկացությունները, ապա խոսել 100% հարմարավետ կյանքի մասին այնքան էլ հեշտ չի լինի։ Լողը, ջրասուզումը, յախտինգը…կան բազմաթիվ զբաղմունքներ, որոնց դեպքում ավանդական ակնոցը միայն «փչացնում է տեսարանը»։ Բացի այդ, ակնոցը վտանգավոր է երբեմն սպորտի ակտիվ ձևերի դեպքում։ Ոսպնյակները այս խնդիրը նույնպես միշտ չէ, որ լուծում են։ Ինչ որ մեկին չեն հարմարվում հիդրոգելային ոսպնյակները, մեկ ուրիշին՝ անհարմարություն են ստեղծում սիլիկոնային հիդրոգելայինները և այլն։ Խախտվում է աչքի սնուցումը, տեսողության օրգանը ստիպված է լինում լուրջ մեխանիկական ազդեցության ենթարկվել, իսկ եղջերաթաղանթը, համապատասխանաբար՝ լարման։
Շատերին լազերային կորեկցիան թույլ է տալիս կրկին տեսնել աշխարհը վառ և պարզ գույներով, ինչպես նաև վստահություն է ներշնչում։
Իսկ ինչպե՞ս են նման իրավիճակներում վարվում աստղերը։ Նրանցից ոմանք ընտրում են լազերային կորեկցիան։ Մասնավորապես Սինդի Քրոուֆորդն ու Բրեդ Փիթը։ Սակայն գոյություն ունեն աչքի կառուցվածքի մի շարք անատոմիական առանձնահատկություններ, երբ լազերային կորեկցիան հակացուցված է. դա կարող է բարակ եղջերաթաղանթը լինել, որոշ հարակից հիվանդություններ։ Ճշգրիտ պատասխանը յուրաքանչյուր առանձին դեպքում կարող է տալ միայն փորձառու ակնաբույժը։