Ամերիկացի մոդելավորող Ռալֆ Լորենն ասել է. «Նորաձևությունը բրենդներն ու պիտակները չեն: Նորաձևությունն այն է, ինչը թաքնված է հոգու խորքում»: Այսօր շատերը պարզապես տառապում են նորաձև լինելու մոլուցքով` մոռանալով սեփական ինքնատիպ ոճը կերտելու և կոմֆորտի մասին: BlogNews.am-ը նորաձևության, սեփական ոճն ընդգծելու, էքսպերիմենտների ու հագուստի նախընտրությունների մասին զրուցել է դերասանուհի Լիլիթ Գալստյանի հետ, ում հեռուստադիտողները հիշում են «Շանթ Պրեմիումի» «Անուղղելիները» սերիալից:
- Լիլիթ, ո՞րն է նորաձևության ձեր ընկալումը:
- Երևի թե տարբերվելու և ինքնաոճ լինելու միտումը:
- Նորաձևության տենդենցներին հետևո՞ւմ եք:
- Միանշանակ հետևում եմ, բայց ոչ մոլի։ Իմ ձեռագիրը միշտ ինձ հետ է։
- Ի՞նչ գույներ են գերակշռում ձեր զգեստապահարանում:
- Ավանդական դարձած սևը, ամառային տաք գույները:
- Քանի՞ ժամ եք նվիրում հաջորդ օրվա հագուստն ընտրելուն:
- Բավականին երկար մտորումներից հետո, միևնույն է, առավոտյան 3 րոպեում հապճեպ որոշում եմ կայացնում:
- Առօրյայում ի՞նչ հագուստով կարելի է տեսնել ձեզ:
- Առօրյայում ավելի շատ հանգիստ ոճի մեջ եմ, որն ինձ հարմար է:
- Էքսպերիմենտների սիրահա՞ր եք, ոճային կտրուկ փոփոխությունների հաճա՞խ եք գնում:
- Ոճային փոփոխություն հաճախ եմ կատարում, քանի որ չեմ կարող լճացած լինել մեկ ոճի մեջ:
- Ի՞նչ կգտնենք ձեր պայուսակում պեղումներ անելիս:
- Գրիչներ, փաստաթղթեր և օծանելիք։
- Ի՞նչ օծանելիք եք օգտագործում, և որքա՞ն արժե այն:
- Coco Mademoiselle (Chanel), բայց արժեքը չեմ ասի: )
- Իրեր, որոնք, անկախ ամեն ինչից, միշտ ձեզ հետ են:
- Անկախ ամեն ինչից՝ միշտ ինձ մոտ են զարդերս։
Նյութը՝ Էմմա Վարդանյանի