Սուդանցի մոդել Նյաքիմ Գեթվեչին, չնայած իր յուրօրինակ գեղեցկությանը, բազմիցս հոգեբանական ճնշումների զոհ է դառնում։ Ի տարբերություն շատերի՝ նրա մաշկի գույնը սովորականից շատ ավելի մուգ է։ Աղջիկը 14 տարեկան էր, երբ Սուդանից տեղափոխվեց ԱՄՆ՝ իր հետ այնտեղ տանելով նաև իր խնդիրները։
Դպրոցում շատերը նրան ձեռք էին առնում միմիայն այն պատճառով, որ մյուս սևամորթներից ավելի մուգ մաշկ ունի։ Հենց այդ պատճառով էլ նա որոշեց դառնալ մոդել՝ ապացուցելու, որ ոչինչ չի կարող իրեն ետ պահել իր երազանքներին հասնելուց։
Նյաքիմի նպատակասլացության շնորհիվ 24 տարեկանում նրա ինսագրամյան էջն ավելի քան 350 000 հետևորդ ունի, ինչպես նաև նա հասցրել է աշխատել բազմաթիվ հեղինակավոր ընկերությունների հետ։
Դպրոցում նրան ինչ ասես, ասում էին՝ «երևի լոգանք չես ընդունում, դրա համար էլ մաշկդ այդ գույնն ունի», «ավելի հաճախ ժպտա, որպեսզի իմանանք, որ այստեղ ես»։ Ոմանք անգամ այն աստիճան էին ծաղրում, որ առաջարկում էին մարմինը ժավելաջրով լվանալ։
Բարեբախտաբար, իր քրոջ օգնությամբ նա հրաժարվել է իր մաշկի գույնը բացացնելուց, ինչպես վարվել էր իր քույրը, սակայն հետո զղջացել։ Այժմ Նյաքինը մոդելների շրջանում բավականին հայտնի է։ Նա ամեն օր համագործակցության հարյուրավոր առաջարկներ է ստանում, այդ թվում՝ հայտնի կազմակերպություններից։