Արքայազն Հարրիի և Մեգան Մարքլի հարսանեկան արարողությանն աշխարհում ավելի քան երկու միլիարդ մարդ էր հետևում: Արդեն մի քանի շաբաթ է անցել, սակայն մարդիկ հանգիստ չեն թողում զույգին՝ ամեն օր փորփրելով ու ջրի երես բերելով նրանց անցյալից որոշ դրվագներ:
Պարզվում է՝ արքայազնը նախկինում այնքան էլ չի փայլել իր վարքագծով, դեռ մի բան էլ հակառակը՝ վարել է ցոփ ու շվայտ կյանք, արել այն, ինչ ցանկանում է՝ անտեսելով անգամ այն արգելքները, որոնք սահմանված են արքայական ընտանիքի անդամների համար:
Ահա 7 դեպք, երբ Հարրին ուղղակի խայտառակ է արել իրեն ու իր ընտանիքին:
Սկանդալային համբույրը
2009 թվականին համացանցում շատ արագ կերպով մի տեսանյութ էր տարածվում, որում Հարրիին համբուրում էր մի զինվորի:
Մարիխուանա օգտագործելը
Հարրին 17 տարեկան էր, երբ սկսեց մարիխուանա ծխել: Սակայն երբ իր հայրը՝ արքայազն Չարլզը, իմացավ այդ մասին, նրան անմիջապես ուղարկեց վերականգնողական կենտրոն: «Սա շատ լուրջ խնդիր էր, որը, սակայն, ընտանիքի ներսում շատ արագ լուծվեց՝ ամեն ինչ թողնելով անցյալում»,- հայտարարել էր արքայական ընտանիքը:
Մերկ լուսանկարները
Հիշո՞ւմ եք, երբ 2012 թվականին համացանցում հայտնվեցին Հարրիի մերկ լուսանկարները՝ արված Լաս Վեգասում: Լուսանկարներից մեկում Հարրիին ամբողջովին մերկ վիճակում բիլիարդ էր խաղում: Բուքինգհեմյան պալատը հաստատել էր, որ լուսանկարում հենց Հարրիին է՝ ասելով հետևյալը. «Արքայազն Հարրիին իր զինվորական պարտականություններին վերադառնալուց առաջ մեկնել է հանգստի»:
Լուսանկարչի ծեծը
2004 թվականին էլ, երբ Հարրին դուրս էր գալիս մի գիշերային ակումբից, պապարացիները «հարձակվեցին» նրա վրա, որպեսզի սկանդալային լուսանկարներ անեին: «Լուսանկարիչներից մեկը ֆոտոխցիկով հարվածել էր արքայազնին, երբ նա մեքենա էր նստում: Ֆոտոխցիկը հրելու ժամանակ էլ պատահմամբ ճղվել է լուսանկարչի շրթունքը»,- կրկին պաշտոնական հայտարարությամբ հանդես էր եկել ընտանիքի խոսնակը:
Նացիստ զինվորի հանդերձանքը
2005 թվականին Հարրին հրավիրված էր իր ընկերներից մեկի թեմատիկ երեկույթին, որի ժամանակ նա կրում էր նացիստ զինվորի համազգեստ: Հետագայում, երբ մեծ քննադատություններ հնչեցին նրա հասցեին, նա ընդունեց իր մեղքը. «Ներողություն եմ խնդրում, եթե ինչ-որ մեկին վիրավորել եմ: Հանդերձանքը շատ վատ ընտրություն էր, հայցում եմ ձեր ներողամտությունը»,- ասել էր նա:
Ռասիստ դիմելաձևը
2006 թվականին 21-ամյա Հարրին կրկին սկանդալների կենտրոնում էր: Այս անգամ էլ համացանցում էր հայտնվել մի տեսանյութ, որում Հարրին ռասիստական, վիրավորական արտահայտությամբ էր դիմում պակիստանցի զինվորին:
Ալկոհոլի օգտագործումը
Հարրին ալկոհոլ սկսել է օգտագործել է առնվազն 17 տարեկանից: Դա են վկայում նրա մասնակցությամբ ալկոհոլային երեկույթների լուսանկարները: Հիշեցնենք, որ Միացյալ Թագավորությունում 18 տարեկանից փոքրերին արգելվում է ալկոհոլ օգտագործել:
