Ռաֆիկ Խաչատրյանի նկատմամբ առաջադրած մեղադրանքով քննությունը կիրականացնի Երևան քաղաքի ընդհանուր իրավասության դատարանի դատավոր Արմեն Խաչատրյանը: Հայտնել էինք, որ իրավապահ համակարգը չսպասեց այս գործով հետախուզման մեջ գտնվող և Վրաստանում հայտնաբերված մեղադրյալներին Հայաստան տեղափոխելուն և Ռաֆիկ Խաչատրյանի մասով քրեական գործը ուղարկեց դատարան:
Հիշեցնենք, որ Վերնիսաժի կրակոցների գործից անցել է 8 ամիս, և դեռևս իրավապահները Վրաստանից Հայաստան չեն տեղափոխել մեղադրյալներին՝ Ալբերտ Բլբուլյանին և Արմեն Կարադավիդովին, որոնց կրակոցների արդյունքում սպանվել էր Ալավերդի քաղաքի բնակիչ Գագիկ Մոսիյանը:
Ի դեպ, մեզ հայտնի դարձավ, որ ՀՀ քննչական կոմիտեն փոփոխել է Ռաֆիկ Խաչատրյանի մեղադրանքը: Սկզբում նրան մեղադրանք էր առաջադրվել սպանության փորձ կատարելու, օժանդակելու, ապօրինի զենք պահելու, կրելու համար, սակայն մեզ հայտնի դարձավ, որ նախաքննություն իրականացնող մարմինը նրան ընդամենը մեղադրանք է առաջադրել՝ ապօրինի զենք տեղափոխելու համար»,-գրում է թերթը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել