Armtimes.com-ը գրում է.
Գերմանիայի դատարանը Կատալոնիայի նախկին ղեկավար Կառլես Պուչդեմոնին գրավի դիմաց ազատ է արձակել՝ մինչ նրա արտահանձնման հարցման ուսումնասիրությունների ավարտը, Պուչդեմոնը ստորագրություն է թողել երկիրը չլքելու մասին:
Պուչդեմոնը կալանավորվել էր Գերմանիայի ոստիկանության կողմից՝ Դանիայի հետ սահմանին, մարտի 25-ին:
Կատալոնիայի նախկին ղեկավարը հայտարարել է, որ չի հրաժարվելու իր գաղափարներից:
Հոկտեմբերի 1-ին անկախության հռչակագրի ընդունումից հետո, Կատալոնիայի նախկին ղեկավար Պուչդեմոնի եւ նրա թիմի մի շարք անդամների նկատմամաբ հետապնդում սկսվեց, երկրի իշխանությունը հեռացրեց նրանց ղեկավար պաշտոնից ու գործ հարուցեց նրանց նկատմամաբ: Պուչդեմոնը փախավ Բելգիա, ու չնայած նրան, որ իսպանական դատարանը նրա ձերբակալման օրդեր ուներ ու նրա նկատմամբ հայտարարվել էր եվրոպական հետախուզում, Բելգիան ազատ էր արձակել գործչին: