Armtimes.com-ը գրում է.
16:10- Մեզ հաջողվեց ճշտել, որ մահացածներն են 37-ամյա Գայանե Հարությունյանը եւ նրա աղջիկը՝ 9-ամյա Անահիտ Հարությունյանը։ Մեր տեղեկություններով, 37-ամյա Գայանե Հարությունյանը ՀՀ արտակարգ իրավիճակների նախարարության նախկին աշխատակից է եղել, աշխատել է սեյսմիկ ծառայությունում: Մոր ու դստեր անհետ կորելու վերաբերյալ ոստիկանության Մաշտոցի բաժին էին դիմել կնոջ հարազատները:
15:30- Քիչ առաջ տեղեկացանք, որ մայր ու դուստր ինքնասպանություն գործելու նպատակով Դավթաշենի կամրջից իրենց ցած են նետել։ Այս տեղեկությունը մեր զրույցում հաստատեց ՀՀ քննչական կոմիտեի նախագահի խորհրդական Սոնա Տռուզյանը:
Նախնական տեղեկություններով, երկու օր առաջ ոստիկանության Մաշտոցի բաժնում ահազանգ էր ստացվել նրանց անհայտ կորելու վերաբերյալ:
Մայրը 37 տարեկան էր, իսկ դուստրը՝ 9 տարեկան։ Այս պահին քննչական խումբն աշխատում է դեպքի վայրում:
15:15- Փետրվարի 15-ին՝ ժամը 14:31-ին, տեղեկություն է ստացվել, որ Երեւան քաղաքի Արաբկիրի այգում հայտնաբերվել է երկու դի. անհրաժեշտ է փրկարարների օգնությունը:
Ինչպես հայտնում են ԱԻՆ-ի մամուլի ծառայությունից, դեպքի վայր է մեկնել մեկ մարտական հաշվարկ եւ հատուկ նշանակության փրկարարական աշխատանքների իրականացման կենտրոնի փրկարարական ջոկատը: Կտրվի լրացուցիչ տեղեկություն:
