Սահմանային անցակետի աշխատակիցը առնանդամ է նկարել իսրաելցի զբոսաշրջիկի անձնագրում

Սահմանապահը, ում անցակետով անցել է իսրաելցի մի զբոսաշրջիկ, կնիքի փոխարեն առնանդամ է նկարել վերջինիս անձնագրում՝ մակագրելով այն «Կեցցե՛ Պաղեստինը» մակագրությամբ։

Հեղինակավոր The Independent պարբերականը ներկայացրել է 25 –ամյա իսրաելցու անձնագրի լուսանկարը, որում կարելի է հստակ տեսնել Չիլիի սահմանապահի նկարած «գլուխգործոցը»։

Պարբերականին տված հարցազրույցի ժամանակ իսրաելցին նշել է, որ ժամանելու առաջին րոպեներից այդ աշխատակիցը թշնամական վերաբերմունք է ցույց տվել իրենց, նետել է իր անձնագիրը և անհիմն կերպով 1.5 ժամ պահել անցակետում։ Ըստ իսրաելցու այդ ամենի միայն պատճառն այն է եղել, որ վերջինս հրեա է։

Նշենք, որ դեպքը գրանցվել է Չիլիի և Արգենտինայի սահմանին։