Մի միլիարդատեր գործարար գնացել էր գյուղ հանգստանալու: Գյուղում նա ամեն առավոտ քայլում էր լճի ափով ու ուշադիր նայում մի ձկնորսի, ով նստած էր իր նավակում և ձուկ էր բռնում: Գործարարը մոտեցավ ափին, ողջունեց ձկնորսին, ձեռքը վերցրեց մի մեծ ձուկ և հարցրեց.
-Ինչքա՞ն ժամանակ է պետք, որպեսզի այսպիսի ձուկ բռնեք:
-Մոտավորապես մեկ ժամ,-պատասխանեց ձկնորսը:
-Իսկ ինչու՞ չեք մի քանի օր մնում լճափում, որպեսզի ավելի շատ ձկներ բռնեք,-զարմանում է միլիարդատերը:
-Մեկը բավական է, որպեսզի ընտանիքիս մինչև վաղը կերակրեմ,-պատասխանում է ձկնորսն ու կրկին կարթը նետում լիճը:
-Իսկ ի՞նչ եք անում օրվա մնացած մասը,-հետաքրքրվում է միլիարդատերը:
-Մինչև կեսօր քնում եմ, խաղում եմ երեխաներիս հետ, գինի եմ խմում, կնոջս հետ զբոսնում եմ, կիթառ եմ նվագում ընկերներիս հետ ու այդպես անց եմ կացնում օրս: Ինչպես տեսնում եք, վայելում եմ իսկական կյանքը,-ժպտալով պատասխանում է ձկնորսը:
_-ս Հարվարդի ուսանող եմ,-ասում է միլիարդատերը,-և կարող եմ օգնել, քանի որ Ձեզ մոտ մի բան այն չէ: Դուք պետք է ամբողջ օրն անցկացնեք լճում և ձուկ որսաք: Մի քանի հատ ձուկ բռնելով` Դուք կարող եք մնացած ձկները վաճառել և մի մեծ նավ գնել:
-Այսի՞նքն,- հետաքրքրությամբ միլիարդատիրոջը նայեց ձկնորսը:
-Այսի՞նքն, հետո Դուք մեծ նավով ավելի խորը կգնաք ու ավելի մեծ ձկներ կորսաք ու նորից կվաճառեք և այդ գումարով նավ կգնեք:
-Հետո՞,-արդեն ամբողջությամբ կլանված հարցրեց ձկնորսը:
-Հետո ձուկը վաճառելու փոխարեն մի փոքրիկ գործարան կբացեք նախորդ ձկների վաճառքից ստացված գումարով ու կսկսեք պահածոյացված ձուկ արտադրել:
-Հետո՞,-ասաց ձկնորսը:
-Հետո արդեն կթողնեք այս գյուղը և կտեղափոխվեք մեծ քաղաք ու կսկեք վաճառել Ձեր պահածոյացված ձկները մեծ քաղաքում:
-Իսկ ինչքա՞ն ժամանակ է պետք:
-Մոտավորապես 15-20 տարի:
-Ի՞նչ կլինի հետո,-հարցնում է ձկնորսը:
-Իսկ հետո՞,-ժպտում է գործարարը,-գալու է ամենաիրական վայելքի ժամանակը: Դուք կարող եք վաճառել Ձեր նավերն ու գործարանը մի քանի միլիոն դոլարով ու դառնալ շատ հարուստ մարդ: Այդ պարագայում Դուք էլ չեք աշխատի, բայց կապրեք մեծ քաղաքում, մինչև կեսօր կքնեք, կխաղաք երեխաների հետ, գինի կխմեք, Ձեր կնոջ հետ կզբոսնեք անտառում և կիթառ կնվագեք ընկերների հետ:
Հ.Գ. Միգուցե այս պատմությանը շատերն են ծանոթ, բայց միևնույնն է, իմաստը կայանում է նրանում, որ Ձեր առջև միշտ էլ նոր հնարավորություններ կան: Ուղղակի օգտագործեք այն, ինչպես անում են հարուստ մարդիկ:
