Սպիտակ տան բանջարանոցը չի չորանա. Մելանյա Թրամփին նկատել են այն մշակելիս

ԱՄՆ նախագահական ընտրություններում Դոնալդ Թրամփի հաղթանակից հետո հոռետեսները կանխատեսել էին Սպիտակ տան հարակից տարածքում գտնվող Միշել Օբամայի բանջարանոցի չորացում։ Շշուկներ էին պտտվում այն մասին, որ հաջորդ առաջին տիկինը հազիվ թե հետաքրքրվի բանջարեղենի աճեցմամբ։ Սակայն 47-ամյա Մելանյա Թրամփը հետևել է իր նախորդի օրինակին։

Օրերս նրան նկատել էին կաղամբի սածիլներ տնկելիս։

Նրա հագին եղել է 1380 դոլարանոց Balmain-ի վանդակավոր վերնաշապիկ, գույնով դրան համապատասխանող ձեռնոցներ, սև տաբատ և Converse կեդեր։ Նրան հողագործական աշխատանքներում օգնել են դեռահասները։