Իտալական Նեապոլ քաղաքից ոչ հեռու 3 հոգանոց ընտանիք է մահացել (ամուսիններն ու նրանց 11-ամյա որդին), ովքեր ընկել են Սոլֆատարա հրաբխի խառնարանը։ Այս մասին հայտնում է BBC-ն։
Նախնական տվյալներով՝ ողբերգությունը տեղի է ունեցել այն բանից հետո, երբ տղան մուտք է գործել զբոսանքի համար արգելված գոտի։
Ծնողները փորձել են նրա քաշել և դուրս բերել անվտանգ վայր, սակայն գետինը փլուզվել է, և նրանք ընկել են ներքև։ Նրանք 3-ն էլ խեղդվել են գազի գոլորշիներից։ Նրանց մյուս երեխան՝ 7-ամյա տղան, խառնարանին չի մոտեցել և չի տուժել, սակայն դարձել է ողբերգության ականատեսը։ Այժմ նրա հետ աշխատում են հոգեբանները։
Փրկարարները դեպքի վայր են ժամանել օպերատիվ կերպով և արագ հասել տուժածներին ճոպանների ու շղթաների միջոցով, սակայն նրանք արդեն մահացած են եղել։
Հաղորդվում է, որ ընտանիքը եկել էր Թուրինից։ Ծնողները եղել են մոտ 40 տարեկան։ 
