Ռեինկարնացիայի «Բաց նամակը»

«Ռեինկարնացիան»  նոր երգ է ներկայացրել իր երկրպագուներին: Խումբը «Բաց նամակում» կոչ է անում միտքը մաքուր պահել, իրար հարգել… Ներկայացնում ենք նրանց նոր երգն ու դրա ամբողջական տեքստը: 

 Պետք չեն ինձ թանկ փալասներ, որ ինձ հարգեն, 

Լավ է սիրտս մտքիս հետ մաքուր պահեմ,
Ընկերներիս ճանաչեմ, երբ մի բանից նեղված եմ,
Լավ է հույսս չկորցնեմ, որ վաղը կապրեմ:

Կգա մի օր աշխարհում, խաղաղ ապրենք,
Անկախ ամեն ինչից իրար հարգենք,
Քիչ բողոքենք, չբամբասենք,
Թե չսիրենք` գոնե անկեղծ ասենք:

Միտքը մաքուր պահենք, իրար հարգենք,
Բոլոր մարդիկ աշխարհում թող խաղաղ ապրեն...
Միտքը մաքուր պահենք, իրար հարգենք,
Բոլոր մարդիկ աշխարհում թող խաղաղ ապրեն...

Ես եսիմ ինչական «իզմ»-երի մեջ չկամ,
Ստերին քաղաքական լավ է չհավատամ:
Ինձ խոստումներ չտաք, վատամարդ չդառնաք,
Լավ է ուր մենք գնանք, անկեղծ մաքուր մնանք:

Ժամանակ էլ չկա, փողերիդ տեղ չկա,
Մարդ մնալ էս աշխարհում, արդեն էլ ձև չկա:
Իրական արժեքներ գտնելը հեշտ բան չէ
Ու մաքուր մարդ մնալը ամեն մեկի խելքի բան չէ...