Դոնեցկի «Շախտյորի» ամենավառ ու հայտնի երկրպագուներից մեկը` ուկրաինացի փոփ-աստղ Գայտանան, հնչեցրել է անսպասելի, բայց հաճելի որոշման մասին: Այս մասին տեղեկացնում է ակումբի պաշտոնական կայքը:
«Շախտյորի» և Հայաստանի հավաքականի կիսապաշտպան Հենրիխ Մխիթարյանը ևս երկու գոլ խփելու դեպքում կարող է պատմության մեջ մտնել որպես ֆուտբոլիստ, որն ամենից շատ քանակությամբ գոլեր է խփել մեկ մրցաշրջանի ընթացքում։
Երգչուհի Գայտանան, ով «Շախտյոր՝ Չեմպիոն» հիմներգի հեղինակն է, որոշել է սատարել Հենրիխին։ Եթե Մխիթարյանն ընթացիկ առաջնության արդյունքներով խփի 25 գոլ, Գայտանան «Շախտյորի» հիմնը կերգի հայերենով:
«Ես երկրպագում եմ «Շախտյորին»՝ Ուկրաինայի առաջնության լավագույն թիմին և հատկապես՝ Հենրիխին,-նշել է փոփ-աստղը։ - Կարծում եմ՝ «Շախտյորի» հիմնը շատ գեղեցիկ կհնչի հայերենով»։
Գայտանան համոզված է, որ իր այդ խոստումը կօգնի Հենրիխին, նա էլ փոխադարձաբար իրեն` երգը հայերեն թարգմանելու հարցում։
