20 տարեկան հասակում նա ընդունվում է Դրամատիկ արվեստի ազգային բարձրագույն կոնսերվատորիա, որն ավարտելուց հետո աշխատում է թատրոնում: 1957 թ.-ին Բելմոնդոն խաղում է «Ոտքով, ձիով և ավտոմեքենայով» ֆիլմում, սակայն ցուցադրությունից առաջ նրա մասնակցությամբ կադրերը հանվում են: Մի քանի ֆիլմերում նկարահանվելուց հետո 26-ամյա դերասանին համաշխարհային ճանաչում է բերում «Վերջին շնչով» կինոնկարը:
Նա շատ հանգիստ խաղում էր հերոս-սիրեկանի դերեր. այդպիսին էր նա նաև կյանքում: Բելմոնդոն անտարբեր չի թողել այնպիսի համաշխարհային դերասանուհիների, ինչպիսիք են Սոֆի Լորենը, Ջինա Լոլոբրիջիտան, Կատրին Դնյովը և այլք:
Չնայած այսօր լրանում է հռչակավոր դերասանի 80 տարին, սակայն նա մինչ օրս խաղում է թատրոնում, իսկ ահա ֆիլմերում նկարահանվելու առաջարկները գնալով պակասում են: Նրա մասնակցությամբ նշանակալից վերջին ֆիլմը` «Մարդը և նրա շունը», էկրան է բարձրացել 2008 թ.-ին, դրա սցենարը գրված է եղել հատուկ դերասանի համար:
