Հ-ում 2017-ի հուլիս-օգոստոսին իրար հետևած մի քանի աղմկոտ միջադեպեր՝ Արմավիրի մարզպետի խորհրդականի սպանությունը, որի համար ձերբակալվել է պաշտոնյայի կինը, Սևանում տեղի ունեցած կրկնակի սպանությունը ու Շամիրամ գյուղում տեղի ունեցած հրաձգությունը, կրկին ակտուալ դարձրեցին երկրում սպանությունների թվաքանակի ու դրա ռացիոնալ գնահատման հարցը։
Միջադեպերի կտրուկ աճը կարճ ժամանակում ու դրանց ակտիվ լուսաբանումը կարող է հանցագործությունների կտրուկ աճի պատրանք ստեղծել, ինչը, մասնավորապես, արտահայտվում է սոցցանցերում վերջին օրերին՝ խուճապային ու անկումային տրամադրությունների տարածման տեսքով։ Մեդիապատկերն ու իրականությունը, սակայն, կարող են և հակասել իրար, իսկ մի քանի աղմկոտ միջադեպերը՝ չարտահայտել իրական տենդենցը։
ԱՎԾ տվյալներով, 2017-ի առաջին կիսամյակում սպանությունների ու սպանության փորձերի թիվը ՀՀ-ում նվազել է մոտ 1,5 անգամ․ 25 սպանություն ու 13 սպանության փորձ (ընդամենը՝ 38 միջադեպ) 2016-ի առաջին կիսամյակում սպանության 39 և սպանության փորձի 17 դեպքի (56 միջադեպ) դիմաց։
2016-ի արդյունքներով ՀՀ-ում 100 հազար բնակչի շնչով 0,83 սպանություն է տեղի ունեցել։ Համեմատության համար՝ ԵՄ-ում 2016-ին տեղի է ունեցել 2,7 սպանություն 100 հազար բնակչի հաշվով։ Սպանությունների ու սպանության փորձերի առավել մանրամասն վիճակագրությունն ըստ տարիների՝ ստորև բերված գծապատկերում:
Ամբողջական հոդվածը կարող եք կարդալ այստեղ։
Նյութի աղբյուր՝ http://www.panarmenian.net/arm/details/245350/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
