Գերմանիայի Քյոլն քաղաքում գետի վրայով անցնող ճոպանուղու վրա արգելափակված են մնացել 75 զբոսաշրջիկներ։ Նրանց մի մասին հաջողվել է փրկել հրշեջ ծառայության սանդուղքների միջոցով՝ փոխանցում է Mirror-ը։

Նրանք, ովքեր կախված են եղել հենց ջրի վրա, ստիպված են եղել մի քանի ժամ սպասել։ 40 մետր բարձրությունից մարդկանց ճոպաներով իջեցրել են նավակների մեջ։ Գործողությանը մասնակցել են 100 հրշեջներ։

Փրկարարական գործողությունից հետո մի կին հոսպիտալացվել է։

Դեպքը տեղի է ունեցել ճոպանուղու խցիկներից մեկի պատճառով, որն անսպասելիորեն թեքվել է, և դա հանգեցրել է ճոպանուղու ավտոմատ կանգին։ Մասնագետները փորձում են պարզել տեղի ունեցածի հանգամանքները։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել