Բաղադրիչներ
- խտացրած կաթ - 1 տարա
- կարագ - 2-3ճ/գ
- կոկոսի քերուկ - 100գր
- նուշ - 10-15 հատ
Պատրաստման եղանակ
- Խտացրած կաթը լցնում ենք ամանի մեջ և դնում թույլ կրակի վրա:
- Խտացրած կաթին ավելացնում ենք կարագը և եփում մինչև զանգվածի պնդանալը և թեթևակի մգանալը՝ անընդհատ խառնելով զանգվածը այդ ընթացքում: Ապա ավելացնում ենք կոկոսի քերուկը (չմոռանալով թողնել մի փոքր կոկոսի քերուկ վրան շաղ տալու համար), լավ խառնում զանգվածն ու հանում կրակի վրայից: Թողնում ենք սառչի:
- Տապակում ենք նուշի հատիկները տապակի վրա 5 րոպե առանց յուղի:
- Արդեն սառչած զանգվածից պատրաստում ենք փոքրիկ գնդիկներ (համաչափ գնդիկներ ստանալու համար կարելի է օգտագործել թեյի գդալ), մեջը տեղադրում նուշի մեկական հատիկ և թաթախում ստացված գնդիկները նախապես առանձնացված կոկոսի քերուկի մեջ:
- Գեղեցիկ ձևավորման համար դնում ենք պատրաստի կոնֆետները փոքրիկ թղթե զամբյուղների մեջ և մատուցում:
Այս հրաշալի կոնֆետները շատ համեղ են ոչ քաղցր թեյի հետ:
Նյութի աղբյուր՝ http://www.cooks.am/%D5%AF%D5%B8%D5%B6%D6%86%D5%A5%D5%BF%D5%B6%D5%A5%D6%80-%D5%BC%D5%A1%D6%86%D5%A1%D5%A5%D5%AC%D5%AC%D5%B8/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել