Armsport.am-ը գրում է.

Անգլիական «Մանչեսթեր Յունայթեդը» չի կորցնում ամառային տրանսֆերային պատուհանի ընթացքում Մադրիդի «Ռեալի» հարձակվող Ալվարո Մորատայի տրանսֆերը ձեռք բերելու հույսերը:

Ինչպես տեղեկացնում է «Goal»-ը, «կարմիր սատանաները» Իսպանիայի ազգային հավաքականի հարձակվողի տրանսֆերի դիմաց «արքայական ակումբին» առաջարկել են 80 մլն եվրո, սակայն «սերուցքայինները» պատասխանել են մերժումով:

Մադրիդյան ակումբը 24-ամյա ֆուտբոլիստի տրանսֆերի դիմաց ավելի բարձր գումար է պահանջում: Ավելի վաղ նշվում էր, որ Մորատան իր թիմակիցներին հաղորդել էր «Մանչեսթեր Յունայթեդ» տեղափոխվելու մասին:

Հիշեցնենք, որ Իսպանիայի ավարտված առաջնությունում Մորատան մասնակցել էր 26 հանդիպման և դարձել 15 գոլի հեղինակ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել