Armsport.am-ը գրում է.

Ջերմուկում ընթանում է Կարեն Ասրյանի անվան շախմատի 10-րդ հուշամրցաշարը, որին մասնակցում է 92 շախմատիստ 13 երկրից, այդ թվում 21 գրոսմեյստեր:

Այս մասին հայտնում է ՀԱՕԿ-ի պաշտոնական կայքը:

Երեք տուրից հետո հարյուր տոկոսանոց արդյունք ունի են 4 մասնակիցներ` Իգոր Կովալենկո (Լատվիա), Փարհամ Մագսուդլու (Իրան), Եվգենի Պոստնի (Իսրայել) և Օլեքսանդր Բորտնիկ (Ուկրաինա):

Եվս 10 շախմատիստ, այդ թվում Հայաստանի վեց ներկայացուցիչ` Զավեն Անդրիասյանը, Հրանտ Մելքումյանը, Շանթ Սարգսյանը, Արման Փաշիկյանը, Հայկ Մարտիրոսյանը և Սամվել Տեր-Սահակյանը վաստակել են 2.5-ական միավոր:

Հուշամրցաշարում սահմանված է գրոսմայստերական նորմ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել