Աշխարհի ամենատարօրինակ երեխաները

Իհարկե, ամեն ծնող վստահ է, որ իր երեխան ամենա-ամենան է, բայց այս գրառման մեջ ձեզ կներկայացնեմ մի քանի երեխաների, ովքեր էականորեն կբեկեն նման ծնողների համոզվածությունը։ Ձեզ եմ ներկայացնում աշխարհի ամենայուրահատուկ, տարօրինակ, անսովոր երեխաներին.

Լիզզի Քլարքը երևի աշխարհի ամենաչար երեխան է։ Նրա չարություններից ամենահիշարժանները գրանցվել են 1995 թվականին։ Թվեմ դրանցից մի քանիսը.

- դանակով քերծելով գրել էր «Լվա ինձ» ծնողների հենց նոր գնված Կադիլլակի վրա,

- մայրիկի պայուսակից հանված 5 հատ 100 դոլարանոց թղթադրամներից «մոմեր» էր սարքել ու իհարկե այրել էր,

- տան հեռախոսից 167 միջքաղաքային զանգ է կատարել Սպիտակ տուն և պահանջել, որպեսզի հեռախոսի մոտ կանչեն Բիլլ Քլինթոնի դստերը,
- ռետինե խողովակը պատուհանի միջով անցկացնելով՝ մի քանի հարյուր լիտր ջուր է լցրել ծնողների ննջարանը,
- պայթեցրել է զուգարանը,
- մայրիկի սիրելի օրխիդեաները ոչնչացրել է՝ կրակայրիչի գազ արձակելով վրաները,
- մկրատով կտրել է շան պոչը,
- կուրացրել է երկու կատուների,
- նրան այցելած լրագրողի գրպանը դնելով իր փափուկ խաղալիքներից մեկը՝ հետո աղմուկ է բարձրացրել, թե այդ լրագրողը ուզեցել է գողանալ իր խաղալիքը...
Աղջկա ծնողները խոստովանել են, որ չեն կարողացել պատժել իրենց երեխային միայն նրա համար, որ նա շատ փոքրիկ է եղել՝ 8 տարեկան։ Երևի նրանք չէին էլ պատկերացնում, որ հետագայում դա առավել ևս անհնար կլինի։

Չինացի Լու Խաոն աշխարհի ամենագեր երեխան է։ Ծնվելով ընդամենը 2.6 կգ քաշով՝ մի քանի ամիս անց նա սկսեց կտրուկ գիրանալ և արդեն 3 տարեկանում Լուն կշռում էր ամբողջ 60 կիլոգրամ։ Բժիշկները չեն կարողացել գտնել երեխայի աննախադեպ ախորժակի պատճառները, մինչդեռ ինքը՝ Լուն, անդադար սկսում է ճչալ ու լալ, երբ նրան «քիչ» են ուտելիք տալիս։

8-ամյա Ջուլիանո Ստրոեն պաշտոնապես ճանաչվել է աշխարհի ամենաուժեղ երեխան։ 2009 թվականին նա հայտնվեց Գիննեսի աշխարհի ռեկորդների գրքում՝ գետնից ձեռքերով հրում կատարելու համար՝ ոտքերն օդում։ Նրա հորը մեղադրում են, որ նա չափից ավելի է ծանրաբեռնում որդուն, բայց Ջուլիանոյի հայրը կտրականապես հերքում է, որ ինքը որևէ կերպ ճնշում է իր երեխային։ Նրա խոսքերով Ջուլիանոն մարզվում է այնքան, որքան նրա ուժերն են ներում, բայց միևնույն ժամանակ ունի նույնանման հետաքրքրություններ, ինչ իր հասակակիցները՝ խաղեր, մուլտֆիլմեր և այլն։

Աշխարհի ամենափոքր երեխան ծնվել է 2004 թվականի սեպտեմբերի 19-ին՝ ընդամենը 26 շաբաթ տևած հղիությունից հետո։ Ռումսիա Ռահմանն ուներ 24 սանտիմետր բոյ և կշռում էր ընդամենը 243 գրամ։ Նման վաղ ծննդի փաստը բացատրվում է Ռումսիայի մոր առողջության կտրուկ վատթարացումով. նրա մոտ առաջացել էր արյան բարձր ճնշում, այնպես որ որոշվել էր ռիսկի գնալ՝ վաղ ծննդաբերություն կազմակերպելով, որպեսզի գոնե երեխային հնարավոր լինի փրկել։ Հատկանշական է, որ Ռումիան երկվորյակ քույրիկ էլ ունի, որը կշռում էր գրեթե երկու անգամ ավելի շատ՝ 570 գրամ։

Կարան Սնիգխը աշխարհի ամենաբարձրահասակ երեխան է՝ 2 տարեկանում ունենալով 130 սանտիմետր հասակ և 42 կիլոգրամ քաշ։ Կարանի մայրիկը Ասիայի ամենաբարձրահասակ կինն է՝ իր 220 սանտիմետր հասակով։ Այս յուրահատուկ ընտանիքն ապրում է Հնդկաստանում։

Ջեյլի Լինգդոն, լինելով 27 տարեկան, հավերժ կանգ է առել 2 տարեկան երեխայի մտավոր ու ֆիզիկական զարգացվածության մակարդակի վրա, ուստի հանդիսանում է աշխարհի ամենատարեց երեխան։ Նա կշռում է 11 կիլոգրամ և ունի 84 սանտիմետր հասակ։ Միակ բանը, որ հուշում է նրա իրական տարիքի մասին, ատամներն են։ Բժիշկները ի վիճակի չեն օգնել այս թշվառին, որովհետև նա հիվանդ է «pan-hypo pituitarism» խիստ հազվադեպ ու անբուժելի հիվանդությամբ, որի պատճառով աճը կանգ է առնում։

Աշխարհի ամենախելացի երեխան Օսկար Րիգլինին է։ Նրա IQ-ն 2 տարեկան հասակում 160 է եղել, ինչը հավասար է Ալբերտ Էյնշտեյնի մակարդակին։ Նա շատ բանիմաց և բազմակողմանի զարգացած է, իսկ գիտելիքների մակարդակով հարյուրապատիկ գերազանցում է իր հասակակիցներին։ Նրան արդեն ընդունել են աշխարհի ամենախելացի մարդկանց միավորող «Մենսի» օքսֆորդյան ակումբ։