Վիտամիններ
Բոլորը գիտեն, որ վիտամինները կալորիաներ չպարունակող նյութեր են, որոնք օրգանիզմում կատարում են մի շարք կարևոր գործառույթներ, մասնավորապես՝ վերահսկում են նյութափոխանակությունը, հետևում են ֆերմենտների աշխատանքին, ակտիվացնում են նյարդային ազդակների փոխանցումը և այլն:
Կարճ ասած՝ նրանք ապահովում են օրգանիզմի ներդաշնակությունը: Սակայն սա այն դեպքում, երբ վիտամիններն օրգանիզմ են ներթափանցում բավարար քանակությամբ: Իսկ ինչպե՞ս հասկանալ, որ օրգանիզմն ունի վիտամինների պակաս:
Ամենաճիշտ միջոցը անալիզ հանձնելն է: Սակայն սովորաբար մենք չափազանց զբաղված ենք դրա համար, մինչդեռ բժիշկը կարող է ձեր արտաքին տեսքից և բողոքներից հասկանալ հիպովիտամինոզի (վիտամինների պակաս) դրսևորումները: Սակայն գոյություն ունեն մի քանի արտաքին նշաններ, որոնց հիման վրա կարել է բացահայտել խնդիրը՝ նույնիսկ բժիշկ չլինելով:
Ձեր մազերը
Եթե օրգանիզմն առողջ է, ապա մազերն ամուր են, ունեն փայլուն տեսք: Եթե մազերը նմանվել են ծղոտի փնջի, խճճվում են, ճյուղավորվում են, կորցրել են փայլը և նույնիսկ սնուցող քսուքները չեն օգնում, ապա սա խոսում է վիտամինների պակասի մասին:
Քոր եկող և չոր գլխամաշկը Е վիտամինի պակասի նշանն է: Չափազանց յուղոտ մաշկի դեպքում պետք է մտածել ռիբոֆլավինի պակասի մասին, իսկ մազաթափության ժամանակ օրգանիզմն ունի ֆոլաթթվի կամ С վիտամինի պակաս: Թեփն առաջանում է В12 և В6 վիտամինների կամ չհագեցած ճարպաթթուների պակասի դեպքում:
Բացի այդ մազերի որակի վրա կարող է նաև ազդել հանքային նյութերի՝ հատկապես երկաթի և կալցիումի պակասը:
Ձեր եղունգները
Առողջ եղունգներն արագ են աճում, միատոն են և հարթ:
Եթե ձեր եղունգները թեքվում են, շերտավորվում են կամ կոտրվում, դանդաղ են աճում և ունեն գունատ տեսք, դեղնում են, ապա, ամենայն հավանակությամբ, ձեր օրգանիզմն ունի С վիտամինի պակաս: Եթե զգում եք, որ ձեր մատները փայտանում են, ապա պետք է լրացնեք В խմբի վիտամինների պակասը:
Ձեր մաշկը
Մաշկը շատ բան կարող է ասել վիտամինների պակասի մասին:
- Դեմքի չոր մաշկ, կնճիռների առաջացում, գունատություն, այս ամենը Е կամ А վիտամինների պակասի հետևանքն է:
- Յուղոտ մաշկը В2 վիտամինի պակասի, իսկ պզուկներն ու կարմիր կետերը ճարպաթթուների արդյունքն են: Եթե ալերգիաները և այլ տիպի դերմատիտները հաճախակի բնույթ են կրում, ապա դուք ունեք խնդիր В խմբի վիտամինների և Н վիտամինի հետ: Վերջինիս պակասի արդյունքում կարող են նաև առաջանալ հիպերպիգմենտացիաներ՝ դարչնագույն կետեր, խալեր:
- Մաշկի դեղնավուն գույնը խոսում է В12 վիտամինի անբավարարության մասին:
Ուսերի ու կոնքերի չոր և գրգռուն մաշկը խոսում է А և Е վիտամինների, իսկ չլավացող կապտուկները՝ Р և С վիտամիննների պակասի մասին:
Չոր և քոր եկոող մաշկը B խմբի վիտամինների՝ հատկապես B3 կամ B6 վիտամինի, ինչպես նաև յոդի պակասի արդյունքն է:
Աղբյուրը՝ Doctors.am
