ՈւԵՖԱ-ի պաշտոնական կայքը ԱԱ-2014-ի ընտրական փուլի Հայաստան - Չեխիա հանդիպման անոնսում նշում է, որ Վարդան Մինասյանի սաները կփորձեն փչացնել Չեխիայի հավաքականի դարպասապահ Պետեր Չեխի հոբելյանական խաղը:
«Հավանաբար Եվրոպայում չկա այնպիսի երկիր, որտեղ Պետեր Չեխին հարգալից չվերաբերվեն: Հայաստանը բացառություն չէ: Սակայն հենց այդ երկրի հավաքականը կփորձի երեքշաբթի օրը փչացնել «Չելսիի» դարպասապահի հոբելյանական 100-րդ խաղը ազգային հավաքականի մարզաշապիկով:
Այնուամենայնիվ, հանդիպումը երկու երկրի հավաքականների համար կարևոր նշանակություն ունի, քանի որ պարտությունը կտրուկ կնվազեցնի Հարավային Ամերիկա ուղևորվելու հնարավորությունը»,- գրում է UEFA.com-ի լրագրողը:
Հիշեցնենք, որ Հայաստան - Չեխիա հանդիպումը տեղի կունենա Երևանի «Հանրապետական» մարզադաշտում, տեղի ժամանակով 20:00-ին ու կցուցադրվի «Արմենիա» հեռուստաալիքով:
Աղբյուրը
