Երեկ` մարտի 24-ին, 31 տարեկանում մահացել է «Արմենիա» հեռուստաընկերության աշխատակից Արսեն Առաքելյանը, որը այս շրջանում նկարահանվում էր «Խաղից դուրս» հեռուստաֆիլմում: Նա ամուսնացած էր, որդին չորս տարեկան է:
Ինչպես BRAVO.am-ին տեղեկացրել է ռեժիսոր Սուրեն Թադեւոսյանը, Արսեն Առաքելյանը մահացել է սրտամկանի ինֆարկտից. «Նկարահանումների հրաշալի ադմինիստրատոր էր: Ցավակցում եմ ոչ միայն կնոջը, հարազատներին ու բարեկամներին, այլև բոլոր այն մարդկանց, ովքեր իր հետ թեկուզ մեկ օր շփվել են: Լույսի կտոր մարդ էր…»:
Էդգար Ռոստոմյանը, Նադեժդա Հովհաննիսյանը եւ Արսեն Առաքելյանը
Արսեն Առաքելյանի ֆեյսբուքյան էջում ցավակցություն են հայտնել նաեւ դերասաններ Աբել Աբելյանը, Սոս Ջանիբեկյանը, Անդրանիկ Հարությունյանը, դերասանուհի Սոֆյա Պողոսյանը, երգչուհի Կարինե Առուստամյանը, մոդել, «Կարգին սերիալ»-ի նոր եթերաշրջանի դերասանուհի Աննա Բաբայանը եւ ուրիշներ:
Նյութի աղբյուր՝ http://lragrox.blogspot.com/2013/03/blog-post_24.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
