168.am-ը գրում է.

«Կարծում եմ՝ այս ամառ շատ մեծ ֆուտբոլիստներ կտեղափոխվեն «Չելսի», քանի որ Կոնտեն ուզում է «կապույտներին» դարձնել Չեմպիոնների լիգայի հաղթողի իրական հավակնորդ:

Կարող եմ հավաստիացնել, որ Լուկակուի տեղափոխությունը «Չելսի» լուծված հարց է: Անգլիացի լրագրողներն ասում են, որ Ալեքսիս Սանչեսը նույնպես հաջորդ մրցաշրջանից հանդես կգա «կապույտների» կազմում:

Չգիտեմ՝ ինչո՞ւ են անընդհատ խոսում այն մասին, որ Կոնտեն դիտարկում է «Չելսիից» հեռանալու հնարավորությունը: Պատճառ չեմ տեսնում դրա համար»,- Sky Sport-ի եթերում հայտարարել է Պրեմիեր լիգայի մեկնաբան Մասիմո Մարիանելան:
2011-12թթ. մրցաշրջանում Չեմպիոնների լիգայում հաղթելուց հետո «կապույտները» միայն 1 անգամ են հասել մինչև մրցաշարի կիսաեզրափակիչ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել