Գրիզման. Չենք դիտել ՉԼ-ի վիճակահանությունը, մարզման էինք

Armsport.am-ը գրում է.

Մադրիդի «Աթլետիկոյի» ֆրանսիացի հարձակվող Անտուան Գրիզմանը խոսել է Չեմպիոնների լիգայի քառորդ եզրափակչում անգլիական «Լեսթերի» հետ դիմակայության մասին:

«Եզրափակիչ դուրս գալու համար, պետք է հաղթել ցանկացած մրցակցի: Էական չէ, թե ով է բաժին հասել «Աթլետիկոյին»: Նույնիսկ չենք դիտել վիճակահանությունը, քանի որ մարզման էինք:

«Լեսթերը» լավ է գրոհում, նրանց մոտ է Վարդին: Մահրեզը նույնպես հոյակապ խաղացող է: Ուժեղ պաշտպանություն է, բարդ է լինելու անցնել:

Դիտել եմ «Լեսթեր»-«Սևիլիա» հանդիպումը: Մրցակիցը կարող է խնդիրներ ստեղծել ստանդարտների հաշվին»,- Գրիզմանի խոսքը մեջբերում է «L’Équipe»-ը: