Tert.am-ը գրում է.
2016 թվականին Հայաստանում զբոսաշրջության աճ է գրանցվել, որից 31 տոկոսը բաժին է հասնում իրանցի զբոսաշրջիկներին: Եթե 2015 թվականին Հայաստան է այցելել 144 հազար 160 իրանցի զբոսաշրջիկ, ապա 2016-ին այցելել 188 հազար 851 զբոսաշրջիկ:
Այս մասին այսօր լրագրողների հետ հանդիպման ժամանակ ասաց Զբոսաշրջության պետական կոմիտեի նախագահ Զարմինե Զեյթունցյանը:
Վերջինս հայտնեց, որ այս տարի ևս քայլեր են արվում իրանցի զբոսաշրջիկների աճ ապահովելու համար.
«Քայլեր են արվել զբոսաշրջիկներին ավելի հյուրընկալ ընդունելու համար: Առաջին հերթին՝ Armeniatravel կայքը տեղեկատվություն է տրամադրել Նովրուզը Հայաստանում անցկացնելու մասին, տեղի ունենալիք տոնակատարությունների մասին: Բացվել է 24 ժամ գործող թեժ գիծ, որի համարները կան Մեղրիից դեպի Երևան ճանապարհին տեղադրված 7 ցուցապաստառների վրա, թեժ գիծն աշխատում է պարսկերենով: Բացի դրանից՝ նույն պաստառների վրա նշված են ճանապարհին մոտ գտնվող տեսարժան վայրերի մասին տեղեկություններ, ուր զբոսաշրջիկները կարող են այցելել»:
Ամբողջական հոդվածը կարող եք կարդալ այստեղ
