Aysor.am-ը գրում է.
«Հաց բերող» Արթուր Սարգսյանի մահվան գործով դատաբժշկական փորձաքննություն նշանակելու մասին որոշումն առկա է և ցանկացած պահի կարող է այն սկսվել. վարույթն իրականացնող մարմինը բավարարել է տուժողի իրավահաջորդների ներկայացուցիչները միջնորդությունը միջազգային փորձագետներին փորձաքննությանը մասնակից դարձնելու վերաբերյալ: Այդ մասին Aysor.am-ին տեղեկացրեց ՀՀ քննչական կոմիտեի նախագահի խորհրդական Սոնա Տռուզյանը:
«Մենք կողմին խնդրել ենք հնարավորինս սեղմ ժամկետում ապահովել իրենց իսկ առաջարկած փորձագետների մասնակցությունը: Հիմա աշխատանքային կարգով քննարկում ենք իրենց հետ, որպեսզի ապահովեն փորձագետների ներկայությունը», - ասաց Ս. Տռուզյանը:
Արթուր Սարգսյանի իրավահաջորդի ներկայացուցիչ, փաստաբան Տիգրան Եգորյանը Aysor.am-ի թղթակցին ասաց, որ հստակ չի կարող նշել, թե որտեղից, ինչ փորձագետ է հրավիրվելու փորձաքննության անցկացմանը մասնակցելու համար:
«Առայժմ այդ հարցը լուծված չէ, մենք այդ հարցով ենք զբաղված, դեռ չի որոշվել ոչինչ», - ասաց Տ.Եգորյանը:
- Ովքե՞ր են լինելու, ի՞նչ փորձագետներ են:
- Ես չգիտեմ դեռ: Հիմա էդ պրոցեսն է ընթանում:
Ամբողջական հոդվածը կարող եք կարդալ այստեղ
