Լևոն Ջուլֆալակյան. Ինքնազգացողությունս նորմալ էBarometer.am-ը գրում է.

Հունահռոմեական ըմբշամարտի Հայաստանի ազգային հավաքականի գլխավոր մարզիչ Լևոն Ջուլֆալակյանը, Կիևում ինքնազգացողության վատացումից և բուժօգնություն ստանալուց հետո վերադարձել է և անցել աշխատանքի:

ՀԱՕԿ լրատվականի հետ զրույցում Լևոն Ջուլֆալակյանը տեղեկացրել է, որ հավաքականի հետ միասին Կիևում գտնվելիս ինքնազգացողությունը կտրուկ վատացել էր, ինչից հետո տեղափոխվել էր հիվանդանոց.

"Բժիշկներն ինֆարկտ ախտորոշեցին և ստենտավորում կատարեցին: Հիմա լավ եմ, ամեն բան նորմալ է: Ճիշտ է, բժիշկները "հանգիստ" են նշանակել, սակայն չի ստացվում, աշխատանքիս բնույթը թույլ չի տալիս: Բայց աշխատում եմ նրանց հորդորները կատարել որքան հնարավոր է", - ասել է Լևոն Ջուլֆալակյանը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել