Մխիթարյանը վերսկսել է մարզումները

Armsport.am-ը գրում է.

Անգլիական «Մանչեսթեր Յունայթեդի» գլխավոր մարզիչ Ժոզե Մոուրինյուն BT Sport-ին պատմել է, որ Հայաստանի հավաքականի կիսապաշտպան Հենրիխ Մխիթարյանը թեթև մրսածություն ուներ, ինչի պատճառով բաց էր թողել «Սենթ Էտյենի» հետ առաջին հանդիպումը։

M.E.N-ի համաձայն՝ 28-ամյա ֆուտբոլիստն արդեն ապաքինվել է և վերսկսել է մարզումները։

Մանչեսթերցիների մարզչական շտաբը հույս ունի, որ Մխիթարյանը կկարողանա մասնակցել Անգլիայի Գավաթի 1/8 եզրափակչի՝ «Բլեքբերնի» հետ փետրվարի 19-ին կայանալիք հանդիպմանը։