Barometer.am-ը գրում է.
NASA-ն իր պաշտոնական կայքում հրապարակել է Երկրի և Լուսնի բավականին անսովոր մի լուսանկար:
Բանն այն է, որ այն կազմված է երկու լուսանկարից, որոնք արվել են 2016թ. նոյեմբերի 16-ին՝ Mars Reconnaissance Orbiter միջմոլորակային ավտոմատ կայանում տեղակայված HiRISE ապարատով Մարսի ուղեծրից հենց այն պահին, երբ Կարմիր մոլորակը գտնվում էր մեզնից 205 միլիոն կիլոմետր հեռավորության վրա: Ստացված պատկերը պահպանել է իրար նկատմամբ Երկրի և Լուսնի հարաբերական մասշտաբն ու դիրքը:
Նկարում գույներն ուղղված են, քանի որ Մարսի ուղեծրից Լուսինը ավելի մուգ տեսք ունի:
NASA-ի կայքում տեղադրված լուսանկարն այնքան պարզ է, որ նույնիսկ կարելի է տեսնել մեր մոլորակի աշխարհամասերի գծագրությունը:
Նյութի աղբյուր՝ http://barometer.am/news/top-news/20170108/25079/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
