2016 թ-ի հայ-վրացական առևտրատնտեսական հարաբերությունները ոչ մի կերպ հնարավոր չէ համարել գոհացուցիչ։ Այս ոլորտում վարվեց անհեռատես քաղաքականություն։ Հայաստան-Վրաստան երկկողմ առևտրաշրջանառության ծավալը հազիվ կհասնի 200 միլիոն դոլարի, որը շատ մոտ է նախորդ տարվա ցուցանիշին։ Համեմատության համար նշենք, որ Վրաստան-Թուրքիա առևտրաշրջանառությունը կազմում է 1․6 միլիարդ դոլար, Վրաստան-Ադրբեջանը՝ 1,2 միլիարդ։ Այդպես էլ չձևավորվեց միասնական տնտեսական գոտի, որպեսզի պատշաճ ծավալով կապիտալի հոսք տեղի ունենար Վրաստանից-Հայաստան և հակառակ ուղղությամբ։ Ցավոք սրտի, հայ-վրացական առևտրատնտեսական հարաբերությունները սահմանափակվում են հայաստանցի պաշտոնյաների՝ Վրաստանում ծաղկող մասնավոր բիզնեսներով։ Բալդի, Դեբենհամս, Խրոնոգրաֆ խանութները կամ ձկնաբուծական տնտեսությունը և ևս մի քանի մասնավոր բիզնեսներ ոչ մի կերպ հնարավոր չէ համարել պատշաճ առևտրատնտեսական հարաբերություններ։Նյութի աղբյուր՝ https://www.facebook.com/artyush.grigoryan/posts/1108917662540304?ref=notif¬if_t=close_friend_activity¬if_id=1482220098034075
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
