168.am-ը գրում է.

Ռուսաստանցի զինվորականները Սիրիայում տեղակայել են զենիթային С-300 համակարգերի դիվիզիոն։ Այս մասին «Իզվեստիա» թերթին տված հարցազրույցում հայտարարել է ՌԴ պաշտպանության փոխնախարար, բանակի գեներալ Դմիտրի Բուլգակովը։

«Տարտուսի նյութատեխնիկական ապահովման կետում զենիթային С-300 հրթիռային դիվիզիոնի տեղակայման համար կառուցվել է լիարժեք զինվորական ավան՝ անհրաժեշտ ենթակառուցվածքներով»,- ասել է Բուլգակովը։

Ավելի վաղ ՌԴ ՊՆ-ն պաշտոնապես հայտարարել էր, որ Սիրիա է ուղարկվել С-300 մարտկոց, իսկ դիվիզիոնը կարող է ներառել միանգամից մի քանի մարտկոց։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել