168.am-ը գրում է.
Սիրիայում գրեթե կես միլիոն երեխա ապրում է պաշարման պայմաններում, պնդում է ՅՈՒՆԻՍԵՖ-ը:
1 տարուց էլ քիչ պակաս ժամանակահատվածում պաշարման մեջ ապրող երեխաների թիվը կրկնապատկվել է, ասվում է կազմակերպության կայքում:
ՅՈՒՆԻՍԵՖ-ի տվյալներով՝ երկրի 16 շրջաններում երեխաները գրեթե ամբողջությամբ կտրված են արտաքին աշխարհից, չեն ստանում մարդասիրական օգնություն ու զրկված են առաջին անհրաժեշտության ծառայություններին մատչումից, ներառյալ բժշկությունն ու կրթությունը:
«Երեխաները մահանում են ու վնասվածքներ ստանում, նրանք չափազանց վախեցած են, որպեսզի գնան դպրոց և խաղան, նրանք գոյատևում են սննդի պակասի և դեղամիջոցների գրեթե լիակատար բացակայության պայմաններում»,- հայտարարել է ՅՈՒՆԻՍԵՖ-ի գործադիր տնօրեն Էնթոնի Լեյքը:
Կազմակերպությունն ընդգծում է, որ որոշ սիրիական համայնքներ չեն ստանում գրեթե ոչ մի օգնություն արդեն 2 տարի շարունակ:
ՅՈՒՆԻՍԵՖ-ի տվյալով՝ միայն Հալեպի արևելյան շրջաններում պաշարման մեջ է գտնվում 100 հազար երեխա