«Յունայթեդը» հաղթեց խոշոր հաշվով. Մխիթարյանը մասնակցեց հանդիպմանը (տեսանյութ, լուսանկարներ)

Lurer.com-ը գրում է.

Եվրոպայի լիգայի խմբային փուլի 5-րդ տուրում «Մանչեսթեր Յունայթեդը» հյուրընկալեց «Ֆեյենորդին» և առավելության հասավ 4:0 հաշվով:

Ուեյն Ռունին 35-րդ րոպեին Իբրահիմովիչի փոխանցումից հետո բացեց հաշիվը, իսկ 69-րդ րոպեին գոլի հեղինակ դարձավ Խուան Մատան:

Հանդիպման 75-րդ րոպեին Բրեդլի Ջոնսը դարձավ ինքնագոլի հեղինակ: Հանդիպման վերջակետը դրեց Լինգարդը` դաշտի տերերի գոլային առավելությունը հասցնելով 4-ի (90+2):

Հայաստանի հավաքականի կիսապաշտպան Հենրիխ Մխիթարյանը մանչեսթերցիների մեկնարկային կազմում էր և փոխարինվեց հանդիպմանը 82-րդ րոպեին:

Այս հաղթանակից հետո Մոուրինուի թիմը 9 միավորով A խմբի երկրորդ հորիզոնականում է: