Tert.am-ը գրում է.
Այսօր կառավարության շենքի դիմաց բողոքի ակցիա էին իրականացնում նաև խաղաղ պայմաններում բանակում մահացած զինծառայողների մայրերը, որոնք պնդում են, որ իրենց որդիները բանակում սպանվել են։
2010 թ. դեկտեմբերի 17-ին մահացած զինծառայող Արթուր Ղազարյանի մայրը վստահեցնում է, որ իր որդին Հադրութում սպանվել է հրամանատար Մարտին Ջհանգիրյանի կողմից, և տարիներ շարունակ հանցագործությունը կոծկվում է թե՛ իրավապահների, թե՛ բանակի բարձրաստիճան պաշտոնյաների կողմից։
Տիկին Իրինան այսօր մոտեցավ գլխավոր դատախազի տեղակալ Արմեն Հարությունյանին, սակայն նրան չհաջողվեց վերջինիս հետ զրուցել։
Tert.am-ի հետ զրուցում տիկին Իրինան պատմեց, թե երբ փորձել է մտնել կառավարության շենք, անվտանգության աշխատակիցները թույլ չեն տվել։
«Որդուս բանակ ուղարկեմ սպանեն, հետո էլ ինձ հետ այսպես վարվեն։ Ասում են՝ որդուս գլխին ուռուցք է եղել, դիահերձման ժամանակ ասել ենք՝ ցույց տվեք, բայց ցույց չեն տվել։ Որդիս հետախույզ է եղել, առողջ է գնացել բանակ, հրամանատարը խփել է գլխին, որդուս բերանն էլ սոսնձված է եղել։ Արդեն յոթ տարի է՝ մեղավորներին չեն պատժում»,- նշեց նա։
Ամբողջական հոդվածը կարող եք կարդալ այստեղ
