Միշել Օբամայի մոդելավորողը հրաժարվել է աշխատել Մելանյա Թրամփի հետ

Barometer.am-ը գրում է.

Ֆրանսիացի մոդելավորող Սոֆի Տելեն, ով աշխատել է ԱՄՆ առաջին տիկնոջ՝ Միշել Օբամայի հետ, հրաժարվել է աշխատել նորընտիր նախագահ Դոնալդ Թրամփի տիկնոջ՝ Մելանյա Թրամփի հետ։ Այս մասին նա գրել է թվիթերյան իր միկրոբլոգում։

"Ինձ համար պատիվ էր վերջին 8 տարում հագուստ կարել առաջին տիկին Միշել Օբամայի համար։ Ես հագուստ չեմ կարի և որևէ այլ ձևով չեմ համագործակցի ԱՄՆ նոր Առաջին տիկնոջ հետ: Ռասիզմի, սեքսիզմի և այլատյացության հռետորաբանությունը, որը հնչեցնում էր նրա ամուսինը նախընտրական քարոզարշավի շրջանում, անհամատեղելի է այն արժեքների հետ, որոնցով մենք առաջնորդվում ենք կյանքում",-ասել է Սոֆի Տելեն:

Տելեն նշել է նաև, որ ինքն էլ է ներգաղթյալ, ինչպես Մելանյա Թրամփը:

Նա կոչ է արել գործընկերներին հրաժարվել համագործակցել Մելանյա Թրամփի հետ: