Life.panorama.am-ը գրում է.
Հունվարին լույս կտեսնի կոշիկների առաջին հավաքածուն, որը Ջենիֆեր Լոպեսը ստեղծել է Giuseppe Zanotti բրենդի հետ։ Այդ առթիվ Ջենիֆեր Լոպեսը մեծ հարցազրույց է տվել Harper’s Bazaar ամսագրին, որտեղ պատմել է բրենդի հետ համագործակցության, իր ոճի և երեխաների մասին։
«Երբ ես մտնում եմ զգեստների սենյակ և տեսնում եմ որևէ կոշիկ, գլխարկ կամ պալտո, անմիջապես մտածում եմ. «Օ, ես հիշում եմ այս օրը։ Ես հագել էի սա, երբ կատարվեց սա և այլն»», -պատմել է Ջենիֆերը։
Ինչ վերաբերում է հագուստի ոճին, ապա այստեղ Լոպեսը նույնպես հավատարիմ է իրեն, քանի որ արդեն երկար տարիներ նրա ֆավորիտները նույն իրերն են։
«Ես սիրում եմ ջինսեր, երկարաճիտք կոշիկներ, մեծ ականջօղեր և մատանիներ», ասել է Ջենիֆերը։
Իր ոճը երգչուհին ցանկանում է բերել նաև նոր հավաքածու, որի վրա աշխատել է Ջուզեպպե Զանոտտիի հետ։
«Մարդիկ ինձ ասոցացնում են ցանկացած փայլփլունի և փոքր-ինչ փողոցային նորաձևության հետ։ Ես ցանկանում եմ, որ այդ ամենը լինի հավաքածուում, բայց այն նաև լինի իսկապես գլամուր, նրբաոճ», -ասել է Ջենիֆեր։
Ամբողջական հոդվածը կարող եք կարդալ այստեղ
