«Միքս» ամսագիրը հիմնադրվել է 2010թ. մարտ ամսին Արմեն Խլղաթյանի, Հովհաննես և Խորեն Զարգարյանների կողմից:
Ամսագիրը կոչվեց «Միքս», քանի որ անդրադառնում է տարբեր տարիքային խմբերին հետաքրքրող թեմաների: «Միքսը», լինելով ժամանցային և ինֆորմացիոն ամսագիր, այս երեք տարիների ընթացքում ժամանցը լրացրել է ` կազմկերպելով նաև մի շարք ժամանցային միջոցառումներ ` «Միքս ձայներ» երգի մրցույթ, «Միքս մոդել» մրցույթ, մանկական մրցույթներ և այլն...
Փետրվարի 17-ին Jose Ռեստորանային համալիրում : Տեղի ունեցավ շքեղ և հագեցած միջոցառում` «Միքս մրցանակաբաշխություն», «Միքս մոդել» մրցույթ, www.mymix.am կայքի պաշտոնական բացում, համերգային շոու ծրագիր` հայկական էստրադայի սիրված կատարողների մասնակցությամբ: Միջոցառումը վարեցին սիրված հաղորդավար, երգիչ Սամվել Գրիգորյանը և դերասանուհի, հաղորդավարուհի Մերի Մակարյանը:
«Միքս մոդել» մրցույթին մասնակցում էին 12 աղջիկներ, ովքեր անցել էին երկրորդ փուլ: Իսկ հայտ ներկայացրած մասնակիցների թիվը բավականին մեծ էր: Մրցույթում ունեցանք երեք հաղթող`
«Միքս համակրանք», մրցանակին արժանացավ 3-րդ մասնակիցը ` Լիլիթ Իսրայելյանը
«Հանդիսատեսի կողմից առավելագույն ձայներ հավաքած մասնակից» մրցանակին արժանացավ 10-րդ մասնակիցը ` Աստղիկ Այվազյանը
«Ժյուրիի կողմից առավելագույն ձայներ հավաքած մասնակից» մրցանակին արժանացավ 4 -րդ մասնակիցը` Անի Թորոսյանը:
Միջոցառմանը ներկա էին մոտավորապես 250-ից ավելի հյուրեր, ինչպես նաև մի շարք ճանաչված մարդիկ:
2012թ. լավագույն շապիկ մրցանակին արժանացան Ավետ Բարսեղյանը և Սոֆի Մխեյանը:
2012թ. Տարվա հայտնություն մրցանակին արժանացավ երիգչ Գևորգ Բարսամյանը:
2012թ. Ամենահամարձակ շապիկ մրցանակին արժանացավ ` երգչուհի Ջուսը:
Տարվա լավագույն բժիշկ թղթակից մրցանակը ստացավ սեքսոպաթոլոգ Վրեժ Շահրամանյանը:
Լավագույն բարեկամ մրցանակին արժանացան Մհերը, Մարիաննա, Լիլուն, Դավիթ Թուջարյանը, Դելոն, Մերի Մակարյանը , Արմինե Գրիգորյանը, Էրիկ Անթաթանյանը և այլոք:
Լավագույն գործընկեր մրցանակին արժանացավ Դինա Ակոպովնան:
Միքսի զարգացման գործում մեծ ներդում ունենալու համար պատվոգրի արժանացավ Սամվել Գրիգորյանը:
Միքս խորհրդանիշ մրցանակին արժանացավ Զարուհի Բաբայանը:
Նշենք նաև, որ միջոցառումը լուսաբանել են 15-ից ավելի կայքեր, երեկոն ամբողջությամբ կցուցադրի Երևան հեռուստաընկերությունը:
Առաջիկայում պատրաստվում ենք «Միքս ձայներ» երգի մրցույթին, որը նույնպես կանցնի մեծ շուքով:
Լուսանկարները` «Միքս» ամսագրից
