168.am-ը գրում է.

ԱՄՆ պետքարտուղար Ջոն Քերին ողջունում է ՄԱԿ­-ի գլխավոր քարտուղարի պաշտոնում Անտոնիու Գուտերեշի ընտրությունը և վստահություն հայտնել, որ նա կլինի այն ուժեղ ղեկավարը, որն անհրաժեշտ է միջազգային կազմակերպությանը:

«Միացյալ ազգերին անհրաժեշտ է ուժեղ առաջնորդ և պարոն Գուտերեշը մեկը մյուսի հետևից ապացուցել է, որ կարող է ստանձնել այդ դերը»,­ ինչպես փոխանցում է «Ռիա-նովոստի»-­ն, ասված է Քերիի հայտարարության մեջ:

Նա նաև շնորհակալություն է հայտնել ՄԱԿ-­ի գործող գլխավոր քարտուղար Պան Գի Մունին կատարած անխոնջ աշխատանքի համար, ով պաշտոնը Գուտերեշին կզիջի գալիք տարվա հունվարի մեկից:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել