Այդ փոթորիկը կսպանի ձեզ. Ֆլորիդայի նահանգապետ

Ֆլորիդայի նահանգապետ Ռիկ Սքոթը հայտարարել է, որ մոտեցող «Մեթյու» փոթորիկը մահացու սպառնալիք է ներկայացնում, հայտնում է CNN-ը:

Սքոթը բոլորին կոչ է արել չհետաձգել տարհանումը, քանի որ փոթորիկը կարող է ափերին հասնել արդեն հինգշաբթի՝ հոկտեմբերի 6-ին:

«Դա լուրջ է… Ռիսկի մի դիմեք: Եվս մեկ անգամ, եթե ձեզ անհրաժեշտ է տարհանել, մի հետաձգեք: Այդ փոթորիկը ձեզ կսպանի: Ժամանակը անցնում է»,- հայտարարել է նա:

Ֆլորիդայում պետք է տարհանվեն ավելի քան 2 մլն մարդ: