Արագացրեք մազերի աճը

168.am-ը գրում է.

Մազերի խնդիրները կարող են ի հայտ գալ ոչ միայն կանանց, այլև տղամարդկանց մոտ:

Տղամարդկանց դեպքում սա կապված է ժառանգականության հետ, իսկ կանանց դեպքում, որպես կանոն,  տարատեսակ քիմիական միջոցների, մազերի հարդարիչների հետ:

Fithacker կայքն առաջարկում է հեշտ և արագ բաղադրատոմս, որն իսկապես արագ և արդյունավետ կերպով կարագացնի մազերի աճը:

Մազերի այս դիմակը մազերը կսնուցի անհրաժեշտ տարրերով, որոնք փարթամություն, փայլ և որակ կհաղորդեն մազերին, բացի այդ, կարագացնեն մազերի աճը:

Դիմակի բաղադրատոմսը

• 2 ճ/գ գերչակի յուղ
• 1 ճ/գ մեղր
• 1 ձվի դեղնուց

Բոլոր բաղադրիչները խառնեք, որպեսզի միատարր զանգված ստանաք:

Խառնուրդը քսեք մազերին՝ տրորելով գլխամաշկը: Պոլիէթիլենային գլխարկ դրեք և թողեք մնա 2-4 ժամ: Վերջում մազերը լվացեք շամպունով:

Պրոցեդուրան կատարեք 2 ամիս շարունակ՝ շաբաթը 1-2 անգամ: