Ոչ մի կերպ չեմ ընկալում՝ երևանյան ներքաղաքային տրանսպորտի այս նմուշն ինչի՞ է մակնշված միաժամանակ մեր և մեկ այլ օտար երկրի զինանշանով և դրոշով։ Չեմ կարծում, որ թիվ 38 երթուղին շահագործվում է «Հայ-Ռուսական ռազմաքաղաքական» ինչ-որ համատեղ նախագծի շրջանակներում կամ այն մասն է մեր համատեղ ՀՕՊ-ի, կամ միգուցե 102-րդ բազա՞ն է այս գիծը շահագործում Երևանում։

Ինչևէ, Պետականությունն ու Անկախությունը բացառիկ արժեք են ինձ համար, և կցանկանայի այն բոլորս կրենք մեր մեջ ու մեզ շրջապատող ամեն ինչում։

Հ․Գ․ Իսկ մենք պատրաստվում ենք ՀՀ Անկախության 25-ամյակի առիթով մեծ զորահանդեսին, որի գլխավոր փորձն է այսօր Հանրապետության Հրապարակում։

Հ․Գ․2․ Չգիտեմ ինչու, այս Газель-ն ինձ առաջիկա օրերին կազմավորվելիք՝ ՀՀ նոր կառավարության կաբինետն է հիշեցնում․ «նոր և մաքուր», սպիտակ ու «գծի մեջ», բայց միաժամանակ՝ ՌԴ դրոշ(մ)ը ամենատեսանելի տեղում դաջած․․․ Ու ինչքան էլ այն արտաքուստ պիտանի լինի, միևնույնն է, այն կա և մնում է Газель, դրանից բխող բոլոր «անհարմարություններով»․․․

Հ․Գ․3․ Ներքաղաքային տրանսպորտը վաղուց արդեն փոխարինել է պետք նորագույն Ford-երով ու Mercedes-ներով՝ ազատելով երևանի փողոցները Газель-ներից բառիս բուն և փոխաբերական իմաստներով․․․
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել