168.am-ը գրում է.

Image result

ԳՖՀ-ի նախկին կանցլեր Գերհարդ Շրյոդերն իր կնոջից՝ 53-ամյա Դորիս Շրյոդեր-Քեփֆից, բաժանվում է 19 տարվա ամուսնությունից հետո: Այս մասին տեղեկացնում է Bild թերթը:

Հրատարակության տվյալներով՝ Շրյոդերները պաշտոնապես ներկայացրել են ամուսնալուծության փաստաթղթերը: Դեռ մեկ տարի առաջ հաղորդագրություններ էին հայտնվել այն մասին, որ նրանք առանձին են ապրում: Դա, սակայն, նրանց չէր խանգարում միասին հայտնվել միջոցառումներին, օրինակ, ֆուտբոլային մրցախաղերում, եւ համատեղ հանգիստ անցկացնել:

Ինչպես հրատարակությանը հայտնել է  ընտանիքի ծանոթներից մեկ, զույգը «կշարունակի միասին հոգ տանել որդեգրված երկու երեխաների մասին»:

Ինչպես նշում է ՏԱՍՍ-ը, 72-ամյա Շրյոդերի համար սա չորրորդ ամուսնությունն էր, Դորիսի համար՝ առաջինը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել