168.am-ը գրում է․

Ֆրանսիական Ռոուեն քաղաքի բարերից մեկում ծննդյան մոմերից բռնկված հրդեհի հետեւանքով զոհվել է առնվազն 13 մարդ, վիրավորվել է 6-ը: Այս մասին տեղեկացրնում է BBC-ն:

Հրշեջ ծառայության ավելի քան 50 աշխատակիցներ ժամանել են դեպքի վայր: Զոհերը հիմնականում 18-25 տարեկան երիտասարդներ են: Վիրավորներից մեկն այժմ ծանր վիճակում է:

Ֆրանսիայի վարչապետ Մանուել Վալսը իր Թվիթերի էջում գրառում է կատարել կատարվածի կապակցությամբ.

«Խորը ցավ եմ ապրում այս ողբերգության համար, որը խլեց 13 երիտասարդ կյանք: Զորակցությունս եմ հայտնում ընտանիքներին»,-գրել է վարչապետը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել