Aysor.am-ը գրում է.
Երգահան Եղիշե Պետրոսյանը «Աստղիկ» բժշկական կենտրոնում շարունակում է բուժում ստանալ:
«Դեռ անկողնային վիճակում է, նրա առողջական վիճակում որևէ դրակայն փոփոխություն չկա»,- Aysor.am-ի հետ զրույցում ասաց դերասանի փաստաբան Երվանդ Վարոսյանը:
Վարոսյանի խոսքով՝ Եղիշե Պետրոսյանի ձերբակալման որոշումը վիճարկվել է. «Այդ կապակցությամբ բողոք ենք ներկայացրել դատարան»:
Նշենք, որ Եղիշե Պետրոսյանը մեղադրվում է զանգվածայաին անկարգություններ կազմակերպելու մեջ:
Երվանդ Վարոսյանը, ով նաև Անդրիաս Ղուկասյանի փաստաբանն է, ասաց, որ իր պաշտպանյալը դեռ շարունակում է հացադուլը:
«Ղուկասյանը «Նուբարաշեն» քրեակատարողական հիմնարկում է, հացադուլը չի դադարեցրել, վիճակը նույնն է, դեռ ցավեր ունի»,-ասաց Ե. Վարոսյանը:
Նրա խոսքով՝ Անդրիաս Ղուկասյանին կալանավորելու մասին որոշումը նույնպես բողոքարկվել է:
Անդրիաս Ղուկասյանին, հիշեցնենք, մեղադրանք է առաջադրվել 225-րդ հոդվածի 1-ին մասով (Զանգվածային անկարգություններ կազմակերպելը):