Հռոմի Պապի հաջորդ ամենահավանական թեկնածուն կարող է սևամորթ լինելՄիջազգային լրատվամիջոցներն արդեն իսկ քննարկում են, թե ով է հաջորդելու Հռոմի Պապ Բենեդիկտոս 16-րդին:
Բրիտանական Guardian-ն ամենահավանական թեկնածու է տեսնում Գանայի կաթոլիկ եկեղեցու առաջնորդ Փիթեր Տիկսոնին, ով սևամորթ է: 

Ի դեպ, Երևանի ժամանակով 16:00-ին Վատիկանում մամլո ասուլիս է տալիս ու պատասխանում միջազգային լրատվականների հարցերին Հռոմի Պապի մամլո պատասխանատու Ֆեդերիկո Լոմբարդին, ով բնութագրեց Պապի որոշումը որպես «անակնկալ»: 

Միաժամանակ, մամլո պատասխանատուն վստահեցրեց, որ Բենեդիկտոս 16-րդը տեղափոխվելու է Հռոմի հարևանությամբ գտնվող ժամանակավոր նստավայր ու չի մասնակցելու կարդինալների հերթական հաջորդ ժողովին, որի ընթացքում ընտրվելու է նոր Հռոմի Պապը:

Նշենք, որ Հռոմի Պապի գահից հրաժարվելու նախադեպ պատմության մեջ միայն մեկ անգամ է գրանցվել. 1415 թվականին նման քայլի է դիմել Գրիգորի 12-րդ Պապը: 

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել