Tert.am-ը գրում է.
Նախագահ Սերժ Սարգսյանը օգոստոսի 1–ին, անդրադառնալով «Սասնա ծռերի» զենքը վայր դնելուց հետո ստեղծված իրավիճակին, հայտարարեց ազգային համաձայնության իշխանություն ձևավորելու մասին: Այս առթիվ Tert.am-ի հարցերին պատասխանում է աշխատանքի և սոցիալական ապահովության հարցերի նախարար Արտեմ Ասատրյանը։
– Պարոն Ասատրյան, այսօր հասարակության մեջ հնչող թիվ մեկ հարցը հետևյալն է՝ ի՞նչ հետևություն պետք է անի իշխանությունը, ի վերջո ամեն երկրում չէ, որ նման բան է տեղի ունենում: Դուք տեղյա՞կ եք, թե իշխանությունը ինչ է փոխելու:
- Բնականաբար դասեր պիտի քաղվեն և առաջիկայում նաև այդ ուղղությամբ կարծում եմ՝ ավելի առարկայական լուծումներ կլինեն: Յուրաքանչյուր օր տարվող աշխատանքը միտված է դրան: Ես կարծում եմ, որ այն քայլերը, որոնք իրականացվել են իշխանությունների և հանրապետության նախագահի կողմից, միտված են իսկապես ազգային համաձայնության իշխանության ձևավորմանը և հատկապես այն բոլոր օղակների ձևավորմանը, որոնք պիտի մեր ամբողջ հասարակության լիարժեք կենսագործունեությունն ապահովեն և հասարակության բոլոր շերտերի ներկայացվածությունն ապահովեն իշխանության տարբեր օղակներում, որպեսզի այն խնդիրները, որոնք հուզում են մեր հասարակության բոլոր շերտերին, իրենց համապատասխան լուծումները ստանան: Եթե հետ եք նայում այդ քայլերը նաև իրականացված քայլն իսնտիտուցիոնալ առումով, նաև սահմանադրական բարեփոխումներն էին և հիմա արդեն համապատասխան իրավական դատի ձևավորումն է, միտված էին հենց այդ խնդիրները ինստիտուցիոնալ լուծելուն:
- Նախագահը հայտարարեց ազգային համաձայնության իշխանություն ձևավորելու մասին, առաջիկայում հնարավո՞ր են փոփոխություններ կառավարությունում: Դուք Ձեզ ազգային համաձայնության կառավարությունում տեսնո՞ւմ եք և ի՞նչ եք փոխելու ձեր ոլորտում:
- Ես կարծում եմ՝ այստեղ ոչ թե ինչ–որ մեկի ապագայի մասին է խոսքը, այլ իշխանություններն իրականացնում են այդ աշխատանքները և հետևողական են իրականացնում: Բոլոր խնդիրները պետք է ունենան ինստիտուցիոնալ լուծումներ, չեն կարող լինել բռնի ուժով լուծումներ, որովհետև դրանք չեն կարող լինել երկարաժամկետ:
Ամբողջական հոդվածը կարող եք կարդալ այստեղ
