Երկիրը փնովելու համար ստացած գրանտների մի մասն էլ դո′ւք ծախսեիք

ՀՀԿ երիտ. թևի ղեկավար, ԱԺ պատգամավոր

Հետաքրքիր է, բացի խոստումներից ու ընտրությունից ընտրություն այցելություններից, ի՞նչ են արել Գյումրու համար այն մարդիկ, ովքեր փորձում են ստվեր գցել անցած 5 տարում իրականացված աշխատանքների վրա: Երկիրը փնովելու համար ստացած գրանտների մի մասն էլ դո′ւք ծախսեիք։ 
2008-2012թթ. աղետի գոտու բնակարանաշինությանը հատկացվել է 81.3 մլրդ դրամ: Կառուցապատվել է 319 729 քմ մակերես, միայն Գյումրիում՝ 2812 նոր բնակարան, 620 տուն՝ գյուղական համայնքներում և այլն: 

Տարիների ընթացքում շարունակվել է Գյումրու վերականգնման դժվարին առաքելությունը` դրա համար չխնայելով ո՛չ ժամանակ, ո՛չ միջոցներ և ո՛չ էլ հոգատարություն ու ուշադրություն:

Այժմ, երբ գրեթե ամբողջությամբ ավարտել ենք Գյումրու բնակարանաշինական ծրագրերը, իշխանությունների համար առաջնահերթ են զարգացման նպատակադրումները: