Կարմիր գույնը միշտ էլ վեճերի առիթ է տալիս. այն մե՛կ ընկալվում է որպես բռնության խորհրդանիշ, մե՛կ խթանող և կյանքի վերադարձնող խորհրդանիշ:
Հմա՞յք, թե՞ վտանգ
Վերջին տարիներին բազմաթիվ հետազոտությունների արդյունքում պարզվել է, որ կարմիր գույնը իսկապես ունակ է ազդելու գլխուղեղի գործառույթի վրա: Կարմիր գույնի հագուստը մարդուն ավելի գրավի՞չ է դարձնում, թե՞ նրանից բխող վտանգի մասին գաղտնի ուղերձ է պարունակում: Ե՛վ այս, և՛ այն, ընդ որում, կարևոր չէ՝ տղամա՞րդ է այդ հագուստը կրում, թե՞ կին:
Կարմիրը նվազեցնում է ախորժակը
Ինչպես պարզվել է, կարմիր գույնը միանգամայն կարող է նվազեցնել մարդու չափից ավելին ուտելու ձգտումը: Այն յուրահատուկ ազդանշան է:
Կարմիրը ոգևորում է
Կարմիր գույնը կարող է ոգևորիչ լինել աշխատանքում: Կարմիր գույն կրող մարդկանց կատարած աշխատանքը սովորաբար նկատվում և գնահատվում է հակառակ սեռի ղեկավարի կողմից:
